محتاجك تعال لخاطر الله اشلون
اموت لخاطرك بس ذمتي ابريها
اريد اسمع احبك مال عشر اسنين
موهاي الاحبك هسه تحجيـــــــها
تعال وجيب ظلك خلي احجي وياه
واسولفلة عليك وروحي اجويها
تعال وجيب صوتك ارد اسمعة بشوك
حتى اطرب غصب والدمعة ابديها
تعال وشوف حالي حال ام بجفاك
.نشف دمها وبقيت بونه اسليها
وصرت تابوت وغيابك محطة موت
..وبيه اجنازة بس شوفتك تحييها
تعال وصير عيسى واحيي هاي الروح
يتامى اجروح عدها اشلون اعزيها
تعال وصير موسى وراوي هاي الناس
رجليك اعله بحر اعيوني مشيهــــــــا
واخذني وياك عصة وحتى اذل فرعون
..بس خليني بيدك لا تلقيهــــــــــــــا
تعال وخل اشوفك معجزات اهواي
من فلق الكلب لجروحي تاليهــــــــا
موقصة وابهر اعيون النــــــــــاس
بس معجزتي كلفة وصعب تدريهـــا