حاير تظل لشوكت وعني تظل ابعيــــــــــــــد
وبس بالحلم نلتقي وگلي الحلم شيفيــــــــــــد
اني ادري مامقتنع وتذوب مثل الشمــــــــــــــع
اتريد يمي تجي ونفس الوقت مـتريـــــــــــــــــد
وصح تختلف من تحب ويّاك ما يختلـــــــــــــف
لكنه گلبي طفل شي قنعه يوم العيــــــــــــد
واعرف جوابك بعد كلمة حبيبي انتظــــــــــــر
والهذه ما اسألك نفس النعيده انزيــــــــــــــد
وارجع حضن صفنتي واغفه على صوت الدمـــــع
ورسمك يمرني غصب چن احنه أيد بـأيـــــــــــد
واصحه وسراب الجرف وغرگان شوگ الگلــــــــب
ولو فاض نهر العمر جيتك بعد شتفيــــــــــــد؟