كلش زين تـــــــــدري وناســـك تـقلك
اظل احجي عليك وادري يوصــــل لك
و ادري انت نجم وادري النهار ويـاك
باجر لـــــــيــل باجـــــر لازم انـــــدلك
عقدتك بالظلام وجـــــــاي هســه بنور
وآنا اعرف عقدتي اشلون ما افــــلك
لون ومظت برق حزن إلي عليهّ يفوت
ومو شخصلك يلجحه لو لجح ظـــــلك
و إذا ممشى شهر عن حزني انت بعيد
ثق حزن إلي عليه بس يخطف يسلك
وابدا من الصفر عالكلبي عالمــــردود
اكله اشفيك تركـــض من الذي يمــلك
اخذ طبع الارض ما تدك باب الغــــيم
صح عالي المطر بس هو ينـــزل لك
ومو ذاك العطش وتخاوي انت البـير
تجــــي مدنـــك تطــلبه ولازم يــذلك
المنجل واعدك يــــزرع لك وثقـــيت
اشيعرف بس حصاد اشلون يشتل لك