ما احبّك چذب والله ذايب بيك
بس دوّر عليه بيك تلگاني
واذا هذا الاگوله تظن ابالغ بيه
تگدرتنسحب بس صعبه تنساني
وماگلّك چذب گبلك صدگ حبيت
بس يوم العرفتك صار شي ثاني
وتخيّل طفل يعرف يظم اسرار
تلگه البلگلب يركض على اللساني
احبّك كلمه ماتروي بعد للروح
لأن مرّت گبل قاموس وجداني
ومتهمني حروف الكلمه من تنگـّال
بس همني الفعل شتحسه شيعاني
لأن اني من احب تدري اختلف بالشوگ
وماگلّك طبع بس هذا عنواني
وما گلـّك ملاك وبس حچي يفلان
دگ تلگه بصدگ مصبوغه بيباني
احبّك كلمه گالوهه گبل عشّاگ
و بيهه ماأهم وتركهه بس اني
عندي لهفه لك شايلهه من سنين
واحبّك كلمه لا ما تطفي نيراني