محتاجة كلش إلك يلي شاغل انت الفــكر 
محتاجة إلك مو حجي وارتاح من يـنذكر 
هنيّاله من كابلك يا أحلى صورة شــــعر 
محتاجة إلك ما تجي ما باقي شي بالعمر
زعلان؟ ليش الزّعل زعلان آنه اعتـــذر
بس ارجع لخاطري صيرعلى نحري عطر
صير على جفني كحل حليني بين السمـر 
تعبني ذرف الدّمع بس ما طفالي الجمـر
بركان في داخلي ويا خوفي لا ينفجــــر 
شو مأخرك ما تجي ما ظل إلك كل عـذر
أهلال جرحك كمل أي كمل وأصبح بـدر
صدكني حيل اتعبت حبّك عسر مو يسر 
اترجيت وتوسّلت بيك شكثر وشكــــثر 
ما فاد بيك الرجه وجبرتني لهل أمــــر 
ما بعد أضلن شهد خلّيك منّي حـــــــذر 
واحجيها لا تستحي كول أنت طبعك غدر
حبّك تحيّة صبح ما تلفض بالعصـــــــر 
روح وبعد لا ترد شي عادي صار الهجر
 اللي ماعرف معنى العشك مابعد أحطله كدر
 جانت درجتك ألف بس هسّه صارت صفر