ارد انشد العقال واهل العدالـــــــــه 
لو نشف ملح الزاد شنحط بدالــــــه

لو نشف ملح الزاد حط ماي العيون
فانهم ترى يا فلان ماسخ يكولــون 

اسمر واخاف عليك ممشى الغروب 
جاهل وبعده صغير ما ينــدل دروب 

ليل الشتاء يهواي مكدر انامــــــــه
حط بالكلب نيشان هاي العلامــــــة

كل واحد نخاويه لازم نفحصــــــــه 
در ابد ما مغشوش و صافي فصه 

اكعد بنص الليل واذكر وليفـــــــي
وبحجة الحلمان ابچي على كيفي 

حبك يا بعد الروح بكليبي شمعة 
تتحول من تذوب بعيوني دمعــة