تسأل من علية او وين تلكــــــــــاني
انه بدمع عينك صارعنوانـــــــــــــي
بعد دمي علجفك وانته بس متهـــوم
وبسيفك بعدهن وصل شريانـــــــــي
اخذت حجايتك عن مثل باب وريــح
من ذاك الوكت سديت بيبانــــــــــــي
انه زعلان بس مو مثل زعلي الراح
مااقبل بعد ينكسر حلفانـــــــــــــــــي
زرعتك بيدي صح حد ماصرت بستان
بس هسه انتهينه وجنت بستانـــــــي
انه السورت روحي بكبر سور الصين
مو طابوك جرحك حجر بنيانـــــــــــي
شسولفلك تريد ؟احجيلك شسويـــــت ؟
بيدك شككتني شلون تقرانــــــــــــــي؟
انه بصوتي هذا المايعجك شـــــوف
من ونيتلك بجيت جيرانــــــــــــــــي
انه الشجرة العفتها بوكت شح الماي
وجفوف الغرب كسرت عودانـــــــي