اسمك مايفارگ شفتي لحظـــات 
وبنص الگلب احروفه خطّيــــت
ومن اشتاگلك يانسمة الـــــروح 
اشتم بالهوى وبلهفه ضمّـــــيت
واعرفهه الظروفك واعذر الحال
وعنك ياحبيبي ماتخلّيــــــــــــــت
ومن طبعي مزاجي وازعل هواي
بس وياك اگولن ماكو ملّيـــــــت
ويحبوني شكثر واحسبهم اخوان
بس انت عشگ بحساسي مرّيت
وغيرك أي بشر مايملي العيون
بس انت وغلاتك ماتمنّـــــــــيت
وانتظرك عمر مو يوم يوميـــن
ومقصر تره مااگول ضحّيــــــت
ونـّـزوج حبيبي نبقه عـــــــزاب
ميهمني المهم عندي اني حبّيت
وكل هذا وبعد تسألني النـــــاس
اتحبه وجوابي إيدي هزّيــــــــت