تصادفنه بدرب بس خلصناها نضرات 
استحيت احجي واكولن حيل مشتاك 
سولفنه رمش برمش يتلاكه خجلان 
وياخذني الخجل من لمعة شفــــــاك 
صعب كلش اشوفك وما احجي وياك 
واغظ حتى النظر لو شفافي تتعداك
* ضوه خدك يشع من تحت الرموش 
ويتكسر ضواه ويصير لونيــــــــــن 
واذا قوس القزح بيه سبعة الوان 
لون خدك ويه عينك صار قوسين 
شـگد انته جميل الباري سواك 
صرت يوسف زمانك بلجمالين 
اذا النسوه اعله يوسف گصن الايد 
عليك الناس تـگطع حتى رجلين