ارد اسئل الصباغ هم تصبغ اكلوب
لصبغ دليلي عليك وحزن فرد نوب
*****
من كلبي خذلك نار جمل جهنــــــم
والما يعرف ينوح مني يتعــــــــلم
*****
صح وصدك عطاب تشتم الخشوم
من كلبي تطلع نار موش من الهدوم
*****
وج ونطفه الدلال يوم الضعن ساك
حنظل ولوجن بيه مر يوم الفـــراك
*****
آنا لك يالدلال أفرغ وجـــــــــــــويك
لسه تحن لساه لا مروا عليـــــــــــك
*****
الدنيه ضاجت وضاج بعيوني الزمان
ومن ذكرتك صار بكليبي المجــــــان
*****
كلبي من أمس واليوم مالي أهد بيه
مدري انشد الجيران لو صوت عليه
*****
حيل أفرح أبملكاك يل مكبلك عيــــد
وصار الكلب بجفاك تنور اجاويـــــد
*****
يمته الأحبها اليوم تتلاكه ويـــــــــاي
أخبرها كلبي يذوب وبطرة جــــــلاي
*****
أيد ارتجي عل كاع ويد بدليـــــــــلي
أنهض مابياش وكفه عل حيـــــــلي
*****
مر الدهر لا صار اصبر وباريـــــه
بلشت كلبي وياه وأدريبه ياذيـــــه
*****
ينام ويعرف النوم كلبك شمكــــواه
كل دكه كلبي ايريد ينشلع من جواه