عفت وجهي بمري عيونـــك
لكَيته مترب ملثـــــــــــــــم
عفت طولي ولكَيته ويــــــاك
حزين مبعثر مهـــــــــــــدم
شفت ضلي اعله وجه الكَـاع
جسته مفطر مثـــــــــــــــلم
باولها البجي بنهريـــــــــن
وعلى جتافي بكَايه الــــــــدم
واخرها الحنين يفيــــــــــض
للما يسوه اشيلن هــــــــم
ولا جني الجنت ذاكــــــــه
التشوفه الغربه تتلعثــــــــــم
ولا جني الجنت ملمــــــــــوم
بحضن شجره وبعد شنــــــلم
شرب لوني اعله غفله الريح
لحد ما ان صرت معـــــــــدم
أنَهْ أدري بَك تفيض بليــــــل
لوادم بيه شبـــــــــــعو ذم
من عدها وعرفت المــــاي
حبل يخنكَ توالي الشـــــــــم
عرفتك وأرد أرد ليفـــــــوكَ
واشبكَ روحي حتى التـــــــم